quinta-feira, 17 de dezembro de 2015

Petición de C21 para votar favorablemente o orzamento

Nos pasados días o noso voceiro, Carlos Vázquez Padín estivo reunido co alcalde, Enrique Cabaleiro para sondexar mutuamente a intención do goberno e de C21 de cara á aprobación dos orzamentos, inicialmente o alcalde trasmitiulle a C21 unha petición de abstención, que sería suficiente para que os orzamentos puidesen sair adiante cos oito votos favorables do goberno, desde C21 declinamos esa posibilidade, dixemos que votariamos si ou non, ante a votación máis importante do ano, a dos orzamentos, non nos parece adecuado pornos de perfil, xa nos pesou votar incondicionalmente a investidura, cousa que ninguén nos agradeceu, e non queremos cometer o mesmo erro. 

Como xa dixemos non son os nosos orzamentos, e non aspiramos a que o sexan para votalos afirmativamente, pero si que trataremos de pactar algunha modificación consistente cos nosos principios liberais, a petición concreta que se lle fixo ao alcalde e á concelleira de facenda é que para contar co voto favorable de C21 aos orzamentos o governo municipal debe incluir na sua proposta a supresión do Imposto sobre o Incremento de Valor dos Terreos de Natureza Urbana coñecido a nivel popular como "Imposto da Plusvalia", aquel que se paga cando se transmite por herdanza ou venda un terreo de natureza urbana. 

Ainda que case todos o cobran, o imposto da plusvalia é un imposto potestativo, é dicir, cada concello pode decidir se cobra o non, parécenos un imposto especialmente inxusto xa que ven a actuar como un segundo imposto de sucesións cando o terreo de natureza urbana é herdado, así mesmo, sempre supón un desincentivo á compra venda de casas e edificios e portanto unha traba ao libre mercado dos mesmos, en aras a unha maior eficiencia na asignación de recursos a sua supresión supón remover un pequeno pero significativo obstáculo á prosperidade económica de Tui.

No proxecto inicial de orzamentos do concello para o 2016 o ingreso previsto por esta vía deste imposto é duns 70.000 €, no caso de aceptar o governo municipal a nosa petición, verianse obrigados a axustar o gasto en 70.000 €, quer en gasto de persoal, quer en gasto corrente, na parte de axuste desde C21 damos flexibilidade para que sexa o governo quen decida onde axustar, no proxecto inicial de orzamentos contemplase un aumento duns 100.000 euros en gasto de persoal, é verdade que departamento como urbanismo ou a policia precisan reforzos de persoal pero iso debería poderse facer sen incrementos orzamentarios xa que son moitas as prazas vacantes que xa estaban orzamentadas nos últimos orzamentos do governo de Moises Rodríguez. 

É desde logo unha petición relativamente fácil de cumprir, de gobernar nós, fariamos outros orzamentos, pero desde a nosa habitual responsabilidade debemos buscar o equilibrio entre dar estabilidade ao goberno que nós investimos (por consideralo un mal menor con respeito á alternativa existente) e deixar a nosa pegada nos orzamentos. Non o podemos afirmar taxativamente, pero debe ser a primeira vez na historia recente de España, no que un partido pide para aprobar uns orzamentos unha rebaixa fiscal coa conseguinte diminución de gasto en lugar dun aumento de gasto co conseguinte, e que sempre se lle trata de ocultar aos contribuintes, aumento de impostos. Un exemplo moi claro da enorme diferenza que nas institucións pode facer un partido liberal como C21. 

Agardemos que o governo acepte a nosa proposta, como dixemos, de ser aceptada, o grupo municipal de C21 votaría favorablemente o proxecto de orzamentos, de ser rexeitada, o noso voto sería negativo.

segunda-feira, 30 de novembro de 2015

Perante os orzamentos

O grupo municipal de C21 está á espera de poder aceder á proposta de orzamentos do goberno municipal que se debaterá no pleno correspondente a decembro. O alcalde tennos manifestado as liñas mestras do mesmo, coa mesma información que ten feito pública. Non vamos facer pública a nosa opinión sobre o orzamento en si ata que teñamos toda a información. 

Queremos desde xa manifestar a nosa vontade negociadora, non son os nosos orzamentos, e non aspiramos a que o sexan para votalos afirmativamente, pero si que trataremos de pactar algunha modificación consistente cos nosos principios liberais, faremos públicas as nosas peticións ao goberno unha vez analisada e avaliada toda a documentación. 





quinta-feira, 19 de novembro de 2015

Alegacións do grupo municipal de Converxencia 21 de Tui á Ordenanza reguladora da limpeza viaria e ornato público no concello de Tui

 Alegación 1ª:

Supresión do penúltimo parágrafo do artigo 20: “A actividade de libramento de desperdicios, esterco, xurro ou outros productos que xeren mal olor, co fin de abono da terra necesitará licenza municipal previa”
Exposición de motivos: non podemos condicionar a actividade agrícola tradicional das nosas aldeas ata desincentivala. Non é xusto nen pertinente que os propietarios de terras de labradío teñan agora que pedir licenza municipal para unha actividade que levan toda a vida facendo sen permiso, como é estercar as suas terras.

Alegación 2ª:

Modificación no artigo 21 no referido ás faixas (pancartas) e bandeirolas, así quedaría o artigo conforme á redación proposta por C21:

Artigo 21.—Carteis e anuncios

Os propietarios ou titulares de inmobles coidarán de manter limpas as paredes ou fachadas de calquera tipo de anuncio que non sexa o específico dunha profesión ou actividade mercantil.

A colocación de carteis, rótulos de establecementos ou anuncios realizarase na forma que se estableza na autorización ou licenza municipal que se outorgue ao respecto A colocación de carteis, rótulos de establecementos ou anuncios deberán reunir as seguintes condicións de ornato público:

a) Os materiais empregados deberán ser bronce, latón, cobre, aceiro inoxidable, ferro, ferro pintado, aluminio lacado, madeira, alabastro, granitos, mármores, pedra naturais e artificiais, xeso endurecido, formigón tratado, vidro, cerámica tradicional.
b) As dimensións serán as que, pola súa composición, permitan las proporcións dos espazos nos que se sitúen, sen que poidan superporse a elementos compositivos ou decorativos da fachada.
c) Autorizase o voo dos rótulos pegados ó paramento, sempre que non se supere un saliente superior a 0’10 metros respecto do paramento.
Autorizase o voo dos focos para a iluminación dos rótulos, sempre que non se supere un saliente superior a 0’40 metros respecto do paramento e se sitúen a unha altura mínima de 3’50 metros respecto da beirarrúa.
d) Poderán colocarse na planta baixa de edificios, con carácter xeneral; en planta primeira, se se sitúan nos entrepanos dos ocos; e en calquera outra planta, cando a totalidade do edificio teña un único uso.

Prohíbese a súa colocación en e sobre a coroación de edificios e en balcóns, varandas e antepeitos.
(aquí comezan as modificacións)

A colocación de carteis, pancartas, bandeirolas, panfletos, e calquera outra actividade publicitaria das reguladas no presente título, esta suxeita (engádega) á comunicación previa ao concello salvo nos periodos eleitorais nos que o concello se limitará a informar á Xunta Eleitoral de Zona dos espazos que disponibiliza para cartelería e bandeirolas.
A concesión da autorización municipal para os elementos publicitarios aquí definidos, levará implícita a obriga polo solicitante de limpar os espazos da vía pública que se tiveran ensuciado, e de retirar dentro do prazo establecido, todos os elementos publicitarios que se tivesen utilizado e os seus correspondentes accesorios.
(Supresión total do parágrafo que comeza: para a colocación ou distribución……..)
Prohíbese a colocación de carteis, bandeirolas, () rótulos, adhesivos, así como calquera outro elemento publicitario ou de comunicación fóra dos lugares que expresamente sexan autorizados polo Concello, (e en concreto nas fachadas dos edificios públicos ou no mobiliario ou equipamento urbanos p.e. farois, bancos, marquesiñas).
Prohíbese toda clase de formato publicitario, dos reguladas no presente título nos edificios cualificados como histórico ‐ artísticos, ou asimilados.
Exceptuaranse aqueles que fagan referencia ás actividades que teñan lugar no edificio, ou a obras de conservación, reforma ou rehabilitación deles.
(supresión de todo o texto desde “a colocación de pancartas e bandeirolas na vía pública soamente se autorizará” até o parágrafo que termina con “(..)para solicitar a correspondente autorización)

Prohíbese a colocación de pancartas e bandeirolas suxeitas ás árbores en calquera dos seus elementos.
(supresión de todo o texto desde “a solicitude de autorización para a colocación de pancartas(…)” até  “(…)dos danos que puideran causarse como consecuencia da colocación de pancartas e bandeirolas”
As pancartas ou bandeirolas suxeitas aos elementos estruturais da vía pública, deberán situarse a unha altura mínima de colocación, medida no punto máis baixo, será de 5 m.,cando afecte a calzada ou aparcamentos, e de 3 m. en beirarrúas, paseos e outras zonas peonís.
(engádega) As pancartas e bandeirolas deberán ser retiradas pola entidade anunciadora (empresa, comisión de festas, partido político, etc) no  prazo máximo de cinco días desde que finalizase o prazo para o que foron colocadas (periodo eleitoral, data da festa, etc) . De non facelo así, serán retiradas polos servizos municipais, imputándose aos responsables os custos  correspondentes ao servizo prestado, sen prexuízo da imposición das sancións a que houbese lugar.

Exposición de motivos: as pancartas teñen tradicionalmente un uso fundamentalmente enfocado ao ámbito eleitoral, polo que por unha cuestión de garantismo non pode ser o concello, controlado por un determinado partido político, o que autorice ou desautorice o uso dun soporte publicitario de marcado carácter electoral, é evidente que pode haber conflito de intereses.  Sí que ten lóxica porén manter a prohibición da sua fixación nas árbores ou regular a altura indicada para as colocar.
Tampouco estamos de acordo coa autorización previa para calquera actividade publicitaria, o que suporia case a sua prohibición de facto, algo pouco compatible coas liberdades fundamentais, suxerimos en troques, unha simple comunicación previa. A ordenanza debe conseguir unha responsabilización dos axentes que empregan a publicidade pero non un réxime leonino, cuase autoritario de autorizacións previas.


Alegación 3ª: Modificación do punto 7 das infraccións leves previstas no artigo 28.

Quedando así:
7.Colocar carteis fóra de lugares disponibilizados a tal efecto polo concello, ensuxar a vía pública con publicidade e a non retirada de pancartas ou bandeirolas no prazo previsto de 5 días despois da sua caducidade (remate da festa, data das eleccións, etc)
Exposición de motivos: compre modificalo para sermos consistentes coa proposta de modificación do artigo 21.  A pretensión é, outra vez, ter potestade para castigar a quen mancha sen establecer un réxime fortemente limitador da actividade publicitaria.

Alegación 4ª: Modificar o punto 4 do epígrafe “c” onde se establecen as faltas moi graves.
Quedando así:

4. Librar desperdicios, xurro, esterco e productos similares que producen mal olor en fincas urbanas ou camiños.
Exposición de motivos: suprímese a referencia ás fincas rústicas, ao noso xuizo é un grave despropósito tratar de penalizar a un labrego por estercar os seus campos.

Alegación 5ª: Modificar  parte do artigo 29, que quedaría así:
1.—Para as que teñan a consideración de leves, imporase unha multa de 200 euros.
2.—Para as infraccións que teñan a consideración de graves, imporase unha multa de 400 euros.
3.—Para as infraccións que teñan a consideración de moi graves, imporase unha multa de 800 euros.
Na ordenanza inicialmente aprobada hai manga ancha para a discrecionalidade do concello, xa que di “poderá impor unha multa” e tamén hai discrecionalidade na cantidade ao fixar só un importe máximo que nos parece moi elevado. Coa proposta do goberno na man o concello podería actuar con absoluta arbitrariedade  é por iso que propomos unha rebaixa das sancións pero a “obrigatoridade” de impolas.

Grupo municipal de C21 no concello de Tui



En Tui, a 19 de novembro de 2015

Alegación do grupo municipal de Converxencia 21 de Tui á Ordenanza municipal reguladora da convivencia cidadá nos espazos públicos do concello de Tui:


Alegación 1ª:

Modificación do Artigo 4.3 que describe os ámbitos que quedan fóra do regulado na ordenanza, a nosa proposta de redacción quedaría asi:

3) O exercicio dos dereitos de reunión e manifestación.
Exposición de motivos: coidamos que cumpre suprimir a mención ás comunicacións previas xa que o artigo 3.1 da lei 9/1983 di que “ninguna reunión estará sometido al régimen de comunicación previa”.

Grupo municipal de C21 de Tui


En Tui, a 19 de novembro de 2015

quarta-feira, 18 de novembro de 2015

Perante a visita da presidenta da deputación

O grupo municipal de Converxencia 21 quere facer público que non acudirá mañá á recepción á presidenta da Deputación de Pontevedra como forma de facer público e expreso o noso firme rexeitamento á mera existencia das deputacións provinciais, vestixio da España decimonónica, incompatible co Estado autonómico, niño de corrupción e de políticas clientelares. Un caso moi claro de ineficiencia no uso do diñeiro dos pagadores de impostos que PP e PSOE se empeñan en manter co único obxectivo de defender os seus intereses partidistas. 

Grupo municipal de C21

quinta-feira, 30 de julho de 2015

ROGOS E PREGUNTAS. PLENO DO 30/07/2015

1. Comerciantes e veciños da Avda. De Portugal, na zona inmediata á antiga alfándega quéixanxe do abandono deste lugar por parte da Admon. Municipal. O desleixo incide especialmente na limpeza, no que afirman que o servizo municipal de limpeza opera no lugar en intervalos de 15 ou 20 días, véndose obrigados os comerciantes a limparen eles as beirarúas. Ademáis, o caso acentúase ao seren avistadas ratas de grandes dimensións sair dos sumidoiros. ¿ Dado que é un acceso non só ao noso concello senón tamén a entrada dun país, o novo Goberno municipal ten a vontade de colaborar para que esta avenida manteña un aspecto o máis decoroso e limpo posible?

2. Veciños do barrio de Bouza Valada, en Areas, mostran a súa preocupación ante a resposta dos conductores do autobús escolar que móstranse reticentes a seguir accedendo por un camiño cun firme afundido xa que pode causar danos no vehículo. ¿Podería o novo Goberno buscar a solución necesaria para que o transporte escolar poida seguir circulando por esa vía e evitar o conseguinte prexuízo para os escolares?

3. O aceso á Radio Municipal ten sido moi desigual entre goberno e oposición nas semanas desde que vostede é alcalde, cantas entrevistas leva na Radio o alcalde no que vai de mandato? como exemplo a alcaldesa de Tomiño leva duas entrevistas e oposición municipal de Tui, cero entrevistas, somos os contribuintes de Tui os que pagamos a Radio. Cando teñen pensado convocar o consello da Radio para fixar criterios a este respeito?

4. Ten pensado cumprir o mandato aprovado a iniciativa de C21 e co apoio, no anterior periodo, do seu grupo e dos demais que forman parten do actual goberno, de iniciar a tramitación para a construción dun hospital transfronteirizo?

5. Como está a tramitación do PECHA? Que horizonte temporal barallan para a sua aprobación?

6. E a peonalización do casco vello?  Vana implementar cos criterios que tiña fixado o anterior goberno municipal? En caso de que non sexa así, cales serían os cambios? Que horizonte temporal se marcan para a sua implementación?

7. Cando ten pensado proceder ao nomeamento do capataz de vías e obras?

8. Parécenos bem que se eliminase a posibilidade de estacionar en frente do concello, sen embargo no lateral permanece aparcamento para autorizados, quen son eses autorizados? Só o alcalde? Todos os membros da corporación? Nengún dos anteriores?

9. Como ten pensado organizar e priorizar o mantemento do firme nas pistas do rural?

10. Hai algún estudio de fluxo turístico e comercial en Tui?

11. Hai unha demanda de viciños de Ribadelouro en relación ao acondicionamento do camiño que pasa perto do parque do Cotarel e por detrás de casa de Paco de Ribadelouro, ata os tractores quedan ali atrapados en inverno.

12. Pasamos a notificarlle algunhas deficiencias no asfaltado de pistas na parroquia de Randufe: o camiño do Barrio do Outerio que vai dirección Anta. Os viciños do Cotarel queixanse de falta de limpeza das beira-vias. Tamén hai queixas no bairro do Montiño, quedando deficiencias no asfaltado desde que se lles colocou o sumidoiro.

13. Hai queixas dos viciños da rua Ourense á altura da rua da Guarda sobre problemas na iluminación pública.

14. Dados os precedentes recentemente sentados, cal vai ser o futuro das festas populares á beira do río?

15. Os habitantes da cidade de Tui merecemos que dunha vez se acondicione unha praia fluvial en condicións no centro da cidade, non se pode seguir dicindo que hai problemas puntuais de contaminación na praia da mariña, compre facer algo ao respeito.

16. Teñen pensado proceder á implantación da administración electrónica? Que pasos van dar?

17. Que pasos está dando para solventar ou cando menos minimizar o problema xerado cos recibos atrasados da auga do 2013? especialmente no referido á falta de leitura do cuarto trimestre, ten pensado iniciar expedientes disciplinarios aos funcionarios responsables pola falta de leitura?

18. Pedimoslle a instalación dunha caixa de correo para cada grupo municipal da oposición, que permita aos cidadáns achegar documentación cando os concelleiros non nos encontremos nas dependencias municipais, tamén solicitamos a instalación dun teléfono fixo nas oficinas dos grupos municipais de tal maneira que poidamos realizar consultas com funcionarios ou outros concelleiros sen necesidade de peregrinar polo concello. No caso de C21 xa lle transmitimos que non precisabamos teléfono móbil do concello.







Grupo Municipal de C21

terça-feira, 6 de janeiro de 2015

Comunicado de prensa sobre novo centro de saude











Comunicado de prensa sobre a construción do centro de saude e asuntos colaterais.


-C21 sempre se ten posicionado en contra da ubicación prevista para o novo centro de saude, asi o expresamos en cada ocasión na que tivemos oportunidade. Compre lembrar que C21 non tiña representación no concello cando se decidiu ubicar o centro de saude na traseira da Area Panorámica, xa no ano 2008. 

-Non concordamos coa ubicación polo estrangulamento que se produciria nas Ruas Casal Aboy e Colón. Se todo o entramado urbano colindante fose das mesmas características que a Rua Compostela a ubicación parecerianos correcta, compre lembrar que o urbanismo concentrado é máis económico e ecolóxico pero require unha planificación urbana da que carecemos.  
                                                                                                                                                         
-Se C21 non se ten sumado activamente a esa reinvidicación até a data é porque non compartimos que se deba construir un novo centro de saude en Tui en ningunha parte. Nen ai nen en ningún outro lado, parécenos moito máis sensato e sobre todo moito máis barato reformar o actual sempre que non haxa nengunha contraindicación técnica nen nengún problema estrutrural irresoluble no actual.

-Un novo centro de saude implica máis débeda e máis impostos sen que iso redunde nunha mellora da atención sanitaria, ao noso xuizo bastante deficiente, que recebemos os tudenses. En todo caso e como zona fronteiriza existiría a posibilidade de promover un hospital transfronteirizo, como o que se fixo na Cerdanya catalana para a atención de pacientes cataláns e franceses (galegos e portugueses no noso caso) e con financiamento europeo e dos Estados implicados. Ai xa estariamos falando doutra cousa, dun enorme salto cualitativo na atención sanitaria disponible, ora ben se estamos a falar do mesmo ambulatorio en canto a dotación de persoal, carencia de especialistas, carencias de medios de diagnóstico, etc. Mellor quedarnos como estamos pero con catro millóns de euros menos de débeda e de impostos.

-A paralización neste momento da construción do centro de saude supón esquecerse de facto e por moitos anos de ter un novo centro de saude, isto non representa nengún problema para C21, pero é evidente que se se logra paralisar agora este proxecto a Xunta tardará moitos anos en voltar a pensar en Tui para a construción dun novo ambulatorio. Portanto non é realista pensar, supomos que ninguén o fai, en que paralizar este proxecto implica que dentro dun ano, de dous ou de tres, haberá outro proxecto en marcha. Calquera que desde Tui queira impulsalo encontrarase durante moitos anos coa mesma resposta da Xunta, a vos xa se vos ia facer un ambulatorio e non quixestes, portanto agora caladiños e á cola. 

-Se a plataforma quere ir a por todas e lograr a paralización da obra, na nosa opinión a via política non se pode saldar con éxito, non é realista crer que o goberno municipal e a Xunta que promove a obra vai paralizala agora e portanto cremos que quen aspire a paralizar a obra deberia aproveitar as carencias da tramitación administrativa e urbanística para pedir a suspensión cando menos cautelar mediante a presentación dun recurso contencioso-administrativo. C21 préstase a colaborar coa plataforma no aceso á documentación que precise.

-Hai defectos de forma na tramitación que dan posibilidades de éxito a esta estratexia, nomeadamente no referido á carencia de aparcamento no proxecto que se intenta subsanar mediante unha chapuzada ubicando prazas de aparcamento provisional en lugares impracticables a tal efecto como, por exemplo, a comunicación da rua Ourense coa rua Colón, á carencia da preceptiva proposta de acordo por parte do departamento de urbanismo, a que o expediente está sen foliar nen dilixenciar polo que o funcionario responsable non pode ter a certeza de estar informando un expediente completo. Estamos ante a habitual chapuzada administrativa do goberno local do PP.

-Hai críticas ao momento no que se pide a paralisación da obra, en todo caso esta culpa non é atribuible a quen solicita a paralisación porque xa levan un periodo de aproximadamente dous anos solicitándoa activamente. 

-Compre non obstante ter en conta as implicacións reais de paralizar agora este proxecto son, e dicimolo para que despois ninguén trate de asignarnos certas responsabilidades que non nos corresponden:

1-Un tempo indeterminado probablemente longo co lugar da obra valado sen saber que iria pasar.
2-Ter que indemnizar ás construtoras adxudicatarias, é dicir un custo que iria aos petos dos sufridos contribuintes tudenses.
3-A segura perda dos fondos Feder de financiamento da obra condicionados ao remate da mesma o 31 de decembro do 2015, de feito é moi probable que ainda sen paralización non se poida cumprir este requisito xa que o tempo designado no proxecto para a sua execución é de 17 meses.


-Obviamente non se debería ter chegado a esta situación e a responsabilidade é do goberno municipal, porque agora todas as saidas teñen graves consecuencias, construilo é malo e non construilo tamén ten consecuencias, desde C21 coidamos que é peor  construilo porque é un erro de imposible rectificación. Unha vez mais Tui chega a unha ruela de dificil saida. 


Agrupación local de Tui de Converxencia 21